Babaeng nakatulog sa bus, nasagip ng lalaki mula sa posibleng kapahamakan.

Compiled photo from Facebook

Laking pasasalamat ang isang babae sa kapwa nya pasahero sa sinasakyan nyang bus pauwi, isang madaling araw.

Para sa nasabing babae, isang real-life hero para sa kanya si Edward Janen Ortega na kanyang nakasakay sa nasabing bus.

Ayon sa kwento na binahagi ng Inquirer, nagtaka ang mga pasahero noon ng bus mula sa Taguig nang pilit silang pinababa ng driver at konduktor di kalayuan sa kanilang dapat na bababaan.

Nang magbabaan na lahat ng pasahero, nahuling bumaba sa bus si Edward, palibhasa sya ay nakaupo sa pinakahuling bahagi nga bus.

Palabas na malapit sa pinto si Edward, nadaanan nya ang isang babaeng mahimbing pa rin na natutulog sa kanyang kinauupuan.

Ngunit pagkababa mismo ni Edward, biglang umandar na ang bus. At lalo na nang di pa nakakalayo ang bus ay piñatay na ang ilaw nito.

Labis na kinabahan si Edward at tila may masamang mangyayari sa babae. Kinutuban siya na tila di maganda ang balak ng driver ng binabaang bus at konduktor nito sa naiwang babae.

Di na nagdalawang isip pa si Edward na habulin ang bus at nagkunwaring naiwan niya ang kanyang wallet sa bus, para maisalba ang babae.

At dahil sa likurang bahagi umupo si Edward, nadaanan niyang muli ang babae at tinanong ang konduktor kung bakit di pa nila ito ginigising.

Agad na sinagot sya ng driver at konduktor at sinabi na kasama nila ang babae.  Ngunit may masamang kutob si Edward na di nagsasabi ng totoo ang mga ito.

Nagkaroon na ng ng pagtatalo sina Edward at ang magkasabwat na driver at konduktor, na siyang naging dahilan upang magising ang babae. At agad na bumaba ito ng bus.

Pagkatapos ng pangyayari, doon na nagsimula ang pagkakaibigan ni Edward at ang babae nailigtas nya mula sa posibleng kapahamakan.

Lubos ang pasalamat at pagtanaw ng utang na loob ng babae dahil sa buwis-buhay na ginawa ni Edward sa kanya. Magpasa-hanggang ngayon ay nagkikita pa rin at patuloy pa rin ang kanilang ugnayan sa isa’t isa.

Source: KAMI