Loonie at mga kasama nito, opisyal nang kinasuhan ng Makati Prosecutors' office.

Photo courtesy of Rappler

Kamakailan ay nabalitang nahuli sa isang buy-bust operation ang sikat na fliptop rapper na si Loonie o Marlon Peroramas sa isang condominium sa Makati.

Kasama ni Lonnie ang kanyang kapatid na babae at dalawang pa, sa nasabing entrapment operation na isinagawa ng Makati police.

Nasabat sa kanila ang high grade na Marijuana na kilala sa tawag na “Kush” na nagkakahalagang P100,000. Lingid sa kanilang kaalaman na isa palang undercover na pulis ang kanilang napagbentahan.

Mariin namang itinanggi ni Lonnie ang nasabing pagkakahuli sa kanila at kanyang sinabi na planted lamang ng mga pulis ang nasabing entrapment operation laban sa kanya.

Ngayong araw ay naglabas na ang Makati Prosecutors Office at opisyal nang kinasuhan si Loonie at ang kanyang kapatid at tatlo pang mga kasama.

Nahaharap sa kasong paglabag sa section 5 ng Comprehensive Dangerous Drugs Act of 2002 o ang pagbebenta ng iligal na droga. Non-bailable ang nasabing kaso.

Sinampahan din ng kaso sina Loonie t kanyang mga kasama ng paglabag sa section 15 ng Comprehensive Dangerous Drugs Act of 2002, ito naman ay ang pag-gamit ng iligal na droga. 

Mayroong P3,000 na pyansa ang inirekomenda para sa mga akusado.

Samantala, pinayagan naman ng korte na makalaya ang driver ni Loonie dahil sa karagdagan pang imbestigasyon para dito.

Source: KAMI