 |
| Photo file mula sa autoindustriya website |
Maaari nang
maging possible na mapabilis ang travel time mula Cavite patungong Bataan sa pamamagitan
ng bagong proyekto ng gobyerno sa ilalim ng Build, Build, Build.
Ang
32-kilometrong tulay na proyekto na tinawag na Bataan-Cavite Interlink Bridge
(BCIB) ay kasalukuyan nang pinag aaralan ng Department of Public Works and
Highways (DPWH).
Ang
nasabing Php187 bilyong proyekto na ito ay aprubado na din umano ng National
Economic Development Authority (NEDA) Board. Kasabay nito, kinumpirma din ng
NEDA na approve na din sa Investment Coordination Committee (ICC) ang mega
bridge na ito.
Kapag
opisyal na nagsisimula ang konstruksyon, isasama dito ang pag buo ng viaducts
(lupa at dagat), pati na rin ang dalawang mahabang tulay.
Magsisimula
ang tulay na ito sa Naic, Cavite, dadaan sa Corregidor Island at magtatapos sa
Mariveles, Bataan.
Ang tulay
ay magkakaroon din ng kabuuang apat na lanes, dalawang linya sa bawat direksyon,
isang toll plaza, special facilities at isang espesyal na tulay na malapit sa
baybayin ng Cavite.
Kung
mabubuksan ang nasabing tulay sa hinaharap ay laking ginawa na dahil mula sa 6
o 5 oras na byahe ay maaring maging 3 o 4 na oras na lang.
Sa pamamagitan
din nito ay mababawasan ang siksikang daloy ng trapiko sa North Luzon
Expressway (NLEX) dahil ang mga motorista ay maaari nang direktang maglakbay sa
pagitan ng Central Luzon at Southern Tagalog.
Wala pang
eksaktong timeline kung kailan magsisimula ang konstruksyon mula nang ito ay
pag-aralan, at kamakailan lamang na naaprubahan ng NEDA.
0 Comments