Humarap na
sa korte ang Chinese drug lord na si Peter Co kaugnay sa kaso ng illegal drugs
laban kay senadora Leila De Lima.
Ayon sa
pahayag ni Co sa Muntinlupa Regional Trial Court (RTC) Branch 205, lumapit umano
sa kanya ang noon ay justice secretary na si De Lima para mangalap ng pondo
para sa kanyang kanditura bilang senador.
Si De lima
na nakilala umano ni Co sa pamamagitan ng kapwa druglord na sina Jaybee Sebastian
at Hans Tan ay humingi daw ng sampung milyon.
Ayon pa kay
Peter Co, may isa pa siyang kakosa na nagbigay umano ng total na P10 milyon din
ngunit hindi na ito maaaring tumestigo dahil napaslang ito sa isang riot noong
2016.
“Unfortunately
[Tony] is dead and we have no way of verifying or counterchecking those facts,”
ayon sa defense lawyer na si Filibon Tacardon.
Sinabi din ni
Peter na naka-kulong na siya sa New Bilibid Prison noong lumapit si De Lima sa
kanya para sa pera.
Pahayag ni Peter, nagbigay din umano sina Sebastian at
Tan ng pera sa dating justice secretary kapalit ng cellphone, motorsiklo at
air-condition sa kanilang mga quarters.
Sinabi ni
Peter na may mga hindi pa napapangalanang Chinese drug personality na tumulong
din kay De lima noon.
“I cannot
disclose their names because they are also Chinese nationals,” ani Peter.
“Not only
would I be in danger but also my family in China. They are not ordinary people,
they have some influence.” Dagdag pa nito
0 Comments