Customs nalampasan ng P10B ang buwanang target sa koleksyon para sa Agosto

 

Photo file from Mania Bulletin

Kahit siyam lang sa 17 daungan ang naka-abot sa kanilang target sa koleksyon para sa buwan ng August, nagawa pa rin na malapampasan ng Bureau of Customs ang ang goal nito na higit sa P10 bilyon.

Ayon sa ulat ng Manila Bulletin, ang Customs ay nag-post ng kabuuang P44.631 bilyon na kita para sa Agosto, lumampas sa P33.675-bilyon na target ng 32.53 porsyento o P10.956 bilyon.

Sinabi ng Customs Financial Service, siyam sa 17 distrito ng koleksyon ay lumampas sa kanilang target para sa buwan. Ito ang Ports ng Tacloban, Zamboanga, Aparri, Limay, Clark, Cebu, Subic, Cagayan De Oro at Davao.

Iniugnay ni Custom Commissioner Rey Leonardo Guerrero ang “positive revenue collection” sa mas pinabuti at pinaigting na pagsisikap sa koleksyon ng lahat ng mga daungan.

“Despite this performance, the bureau maintained its border security measures against undervaluation, misdeclaration and other forms of technical smuggling and collect lawful revenues,” ani Guerrero

Pinuri din niya ang sama-sama na pagsisikap ng mga kolektor ng distrito at ng buong tanggapan ng Customs, "na, sa kabila ng peligro sa kanilang kalusugan at kaligtasan, ay nagpakita ng kanilang walang tigil na pangako at dedikasyon sa serbisyo."

Ito ang pangatlong buwan na naabot ng bureau ang kanilang buwanang target simula noong June.

Noong June, nag-log ang ahensya ng P42.539 bilyong koleksyon. Ito ay 4.4 porsyento o P1.8 bilyon na mas mataas kaysa sa target na P40.739-bilyon para sa nasabing buwan.

Noong naman Hulyo, nakolekta nito ang P50.072-bilyong kita, na daig ang P47.674-bilyon na target para sa buwan ng 5 porsyento o P2.398 bilyon.

Ang bureau ay nagtakda ng taunang layunin sa koleksyon ng P506.150 bilyon para sa 2020.