Ka Leody nanawagan na palayain si De Lima: itigil ang harassment sa kanya at agad palayin

 

Ang kandidato sa pagkapangulo at pinuno ng manggagawa na si Leody de Guzman noong Miyerkules ay nanawagan para sa pagpapalaya sa nakakulong na oposisyon na si Senador Leila de Lima.

Ang panawagan ni de Guzman ay bilang reaksyon sa pahayag ng Human Rights Watch (HRW) na humimok sa mga presidential bets na mangako na ibasura ang lahat ng mga kaso laban kay De Lima.

“Matagal na akong naniniwala na biktima ng malisyosong atake si Senadora Leila de Lima ng rehimeng malupit sa mga dukha, at gayundin sa mga pampulitikang oposisyon,” ayon kay ka Leody

“Patuloy din tayong naninindigan at nanawagan na dapat itigil ang harassment sa kanya at agad palayin para makapiling ang kanyang ina at pamilya,” aniya pa

Nakulong si De Lima noong 2017 dahil sa pagkakasangkot nito sa illegal drug trade sa New Bilibid Prison.

Ayon pa sa HRW, ang mga bintang sa mambabatas ay may kinalaman umano sa pulitika bilang paghihiganti ni Pangulong Rodrigo Duterte kay De lima sa patuloy na pambabatikos ng huli sa war on drugs ng administrasyon.

Nagsilbi si De Lima bilang Justice Secretary mula 2010 hanggang 2015 sa ilalim ng administrasyong Aquino.